Pagina Latina a Petro Hemetsberger concepta

Forum Latinitatis vivae instructum est

Cum mihi persuasum sit linguam Latinam maxime ea de causa mortuam putari, quod neminem ea utentem nominare possumus, multum mea interest cum compluribus colloquentem ea uti. Felicissime accidit, ut mense Iunio anni 1998 in interrete aliquis roganti, num esset facultas lingua Latina colloquendi, responderet in IRC fororum grege DALNET facile talem facultatem praeberi posse. Ea de causa saepe cum aliis, qui eadem mente qua ego sunt, colloquor. Foro nomen est #latine (quod nuperrime recuperare potui), quo hora constituta (quae est die dominica 20 h = hora octava vespertina GMT / Temporis Universalis) aliquot homines conveniunt, qui Latine colloqui velint. Ut accedas ad forum, programmate opus est, cuius exemplum est "mirc", quod ex interrete ab siglo http://www.mirc.com/get.html deonerari potest.

Grex nomine Latine, cuius computatrum moderans litteras Latine scriptas (automatice, per se) inter participes distribuit

Cum Conradi gregi, qui litteras inter se communicaverat, gravissimae difficultates technicae paratae essent, Umberto La Torraca auctore grex anno bis millesimo incipiente ad www.topica.com/lists/grex migravit. Postea vero ob appendices lingua Anglica scriptas, quae automatice litteris adiungebantur, grex ad GREX@MAN.TORUN.PL revertit. Qui particeps fieri vult, epistulam ad listserv@man.torun.pl scribito cum mandato SUBSCRIBE GREX

Pagina gregis a moderatore gregis confecta est.

Index paginarum Latine conceptarum

Non facile est factu in tanta copia paginarum quibuslibet linguis scriptarum eas exquirere, quae Latine sint scripta. Tamen quaedam inventae sunt a me et ab hominibus linguae Latinae faventibus mihi allatae.

Paginae Latine scriptae sub hoc ligamine inveniuntur.

Recentissima mutatio textus die 12. 8. 2006